Sanaartornermi neqerooruteqartitsisarneq pillugu Inatsisartut inatsisaata allannguuteqartinneqarnera pillugu Inatsisartut inatsisaat nr. 18, 22. november 2011-meersoq
(Aalajangersakkamut tapiliussaq, sanaartornermi neqerooruteqartitsisarnermi pitsaassuseq tunngavigalugu unammilleqatigiinnermut maleruagassanik Naalakkersuisut aalajangersaanissaannut piginnaatitsiviusoq)

 

§ 1

Sanaartornermi neqerooruteqartitsisarneq pillugu Inatsisartut inatsisaanni nr. 11-mi, 2. december 2009-meersumi, Inatsisartut inatsisaatigut nr. 4-kkut, 15. april 2011-meersukkut allanngortinneqartumi imaattumik allannguisoqassaaq:

1.  § 35-ip qulequtaa imatut oqaasertalerneqassaaq:
”Aalajangersakkat allat”

2.  § 35-mi imm. 1-ip kingorna immikkoortoq nutaaq ilanngunneqassaaq:
”Imm. 2.  Neqerooruteqartitsisartut, § 1, imm. 2-mi taaneqartut, neqerooruteqartitsinerminni  aningaasaqarnikkut iluanaarnarnerpaanik neqerooruteqarnissamut piumasaqaatinik atuinissamut isiginiagassaannik Naalakkersuisut maleruagassiorsinnaapput, tak. § 15, imm. 1, nr. 2.”

 

§ 2

Inatsisartut inatsisaat manna 1. januar 2012-imi atuutilerpoq.

Namminersorlutik Oqartussat, ulloq 22. november 2011

Kuupik Kleist

---

Siunnersuummut nassuiaatit

Isumaliutissiissut (Aappassaaneerinninneq)